ភ្នំពេញៈ​ ការប្រើប្រាស់ផ្លូវសាធារណៈទាំងអស់​ក្នុងភូមិសាស្រ្តរាជធានីភ្នំពេញ​ ត្រូវទាមទារអោយថ្នាក់ក្រោមជាតិអនុវត្តន៍អោយបានល្អ​ ធានាការរក្សាសណ្ដាប់ធ្នាប់របៀបរៀបរយ​ តាមដងផ្លូវ​ សម្រួលលំហូចរាចរណ៍​ លើកកំពស់សោភ័ណភាពទីក្រុង​ ដើម្បីប្រយោជន៍​ជាតិ​ និង​ ប្រយោជនសាធាណៈ។

លោក​ សំ​ សារឹទ្ធិ ចៅសង្កាត់ផ្សារកណ្ដាលទី១​ រួមជាមួយមន្ត្រីក្រោមឱវាទ​ នៅព្រឹកថ្ងៃទី៥ខែមិថុនាឆ្នាំ២០១៩នេះ បានចុះចែក​ ស​ ជ​ ណ​ របស់សាលារាជធានីភ្នំពេញ​ ជាលើកចុងក្រោយ​ដល់អាជីវករ​ ដែលបានយកផ្លូវ១៤៤​ កែងលេខ​៥​ និង​ ផ្លូវ១៤៨​ កែងផ្លូវលេខ៥​ ដើម្បីយកធ្វើជាអាជីវកម្មដោយបិទផ្លូវ​ បង្កការកកស្ទុះចរាចរទាំងព្រឹកទាំងល្ងាច​ អោយគាត់ងាកមកចូលរួម​ ជាមួយអាជ្ញាធរមានសមត្ថកិច្ច​ អោយកែប្រែទម្លាប់​ និង​ឥរិយាបទនៃការប្រើប្រាស់ផ្លូវ​ និង​ ចញ្ចើមផ្លូវ។

មហាជន​ និង​ ប្រជាពលរដ្ឋនៅក្បែរនោះ​ សំដែងការអបអរជាខ្លាំង​ការចុះចែកនៅសេចក្ដីប្រកាសជាលើកចុងក្រោយមួយនេះ​ ដោយពួកគាត់បារម្ភខ្លាំងបំផុតលើបញ្ហាអគ្គីភ័័​យ​ ដែលជានិច្ចជាកាលតែងតែបំផ្លាញនូវសម្ភារៈ​ សម្លាប់ជិវិតមនុស្សដោយគ្មានញញើតដៃ​ អ្នកខ្លះត្រូវបង្ខំចិត្តលក់ផ្ទះព្រោះគ្មានជំរើស​ ខ្លាចហនីភ័យណាមួយដែលមិនអាចគ្រប់គ្រង់បាន​ ព្រោះផ្លូវទាំងពីរខាងលើអាជីវករយកលក់ស្ទើរគ្មានចន្លោះដើរ។

ទន្ទឹមនោះដែរ​ សាធារណៈមតិកំពុងរងចាំមើល​ កណ្ដាប់ដៃដែកដែលរបស់លោកចៅសង្កាត់ផ្សារកណ្ដាលទី១​ ដែលមានឆន្ទះចង់អោយផ្លូវជុំវិញផ្សារកណ្ដាល​ អាចចរាចរណ៍បានគ្រប់ពេល​ គោរពតាមបទបញ្ជារថ្នាក់លើ​ ដែលអាចអោយប្រជាពលរដ្ឋប្រើប្រាស់បានគ្រប់រូបភាព​, ជាសវាងការចាបយកផ្លូវសាធារណ:មកជាកម្មសិទ្ធិលក់ទំនិញផ្ទាល់ខ្លួន។